ايهما افضل فيرنا او لانوس | مقارنه بين فيرنا و لانوس | اشتري فيرنا ولا لانوس انجح السيارات الشعبيه في مصر

    مقارنه بين فيرنا و لانوس

    ايهما افضل فيرنا او لانوس مقارنه بين فيرنا و لانوس  اشتري فيرنا ولا لانوس من اشهر الاسئله في جروبات السيارات المصريه
    .وهناك مقارنات عديده بين الفيرنا والانوس ممكن نلخصها في الموضوع ده عشان كل اعضاء موقعنا للي اشتركوا معانا للاستفاده ونساعدهم في الاختيار وستنقدم لكم مقارنه بين فيرنا ولانوس تابع معنا:

    اشتري فيرنا ولا لانوس


    • السيارتين من انجح السيارات الشعبيه في مصر ويفتقرون الي عوامل الامان زي ABS. والوسادات الهوائيه الا انه يجب ملاحظه الاتي في حاله تقييم السيارتيين موتور لانوس 1500 سي سي. موتور فيرنا 1600 سي سي القوه بالحصان. اللانوس 87 حصان الفيرنا 105 حصان.
    •  الصالون الخلفي للانوس اوسع بسيط لكن يعيبه نفق الفتيس العالي وبالتالي بيضايق الراكب التالت الا ان الفيرنا اضيق الا ان نفق الفتيس اوطي وبالتالي بتشيل 3 بالغين مستريح.
    • الفيرنا تكييف جبار ليس له مثيل وعند تشغيله لا يؤثر في سحب السياره الا ان اللانوس تكييفها ليس عالي مثل الفيرنا ويؤثر علي سحب السياره.. اللانوس صاجها اضعف من الفيرنا.
    •  الفيرنا انعم وصوت موتورها اقل من اللانوس ككل سيار ات هيونداي... توفير البنزين نوعا ما للانوس... يتوفر موديل مانيوال واتوماتيك للفيرنا اللانوس مانيوال فقط... قطع الغيار متوفره للاتنين.
    •  الدعم الفني للفيرنا في جروبات الفيس اكتر واقوي من جروبات لانوس وبالتالي تعليم افضل وحل مشاكل اسرع.
    • دهان الفيرنا افضل من لانوس..العزل في فيرنا افضل من لانوس... تتعاظم قوه ثبات الفيرنا بتغيير الكاوتش الي 14*60*185 اوفست 46.يفضل نوع اندونيسي لانه طري ومناسب للطرق المصريه.
    •  استهلاك البنزين للانوس افضل نوعا ما..شنطه الفيرنا اوسع من اللانوس.. الفيرنا مرايتها تظبيطها يدوي ماعدا الاوتوماتيك الظبط كهرباء.
    • اللانوس ظبط مرايات السائق فقط يدوي والجانب الاخر بالكهرباء.. اللانوس تناسب زوي طول القامه عن الفيرنا.. لمبه الصالون في الفيرنا عددها 2 واحده فوق المرايا واخري في منتصف سقف السياره لكن لانوس لها لمبه وحيده للصالون في منتصف السياره.
    • لمبات المصابيح الاماميه والخلفيه للفيرنا اقوي وواضحه عن اللانوس ..السياره اللانوس بتنزل بمصابيح شبوره فابريقه والفيرنا ايضا في الفئه الاوتوماتيك لكن المانيوال لا تنزل فابريقه بفوانيس شبوره يجب تركيبهم علي تكلفتك الخاصه ان اردت وهي مجهزه لذلك... الفرامل في الفيرنا افضل من اللانوس .ضعف العزل في اللانوس بيخلي الضوضاء وسماع اصوات الطريق داخل السياره واضح الا ان عزل الفيرنا افضل داخل الكابينه.
    •  والعزل ده برده بيأثر علي الاحتفاظ ببروده التكييف داخل الكابينه اطول فتره . وكل ماسبق عن تجربه للسيارتين موديلات 2017 - 2018 فيرنا سعرها اغلي من لانوس وزي ماقالو اللي قبلينا الغالي تمنه فيه... نسيت اقلك ان سرعه اعاده البيع للفيرنا اسرع وبتمسك سعر عن اللانوس.
    Michael Sabry
    @مرسلة بواسطة
    كاتب ومحرر اخبار اعمل في موقع موقع فور ام نيوز | وكالة إخبارية متكاملة .

    إرسال تعليق